State policy of ours – is to solve social problems first of all, along with the development of economy

Haydar Aliyev

3 September 2015Thursday
NEWS FEED


Adınız* :
E-mail* :
Sual* :
Təhlükəsizlik kodunu daxil edin*:


2015-05-16 15:19:06 Aynur :
Mənim 56 yaşım, 20 il stajım var. 3 uşaq anasıyam. Neçə yaşda pensiyaya çıxa bilərəm?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-05-15 20:24:13 Elaze :
Salam. Bilmək istəyirdim ki, göz zəifliyinə görə əlillik dərəcəsi təyi olunur? Hansı halda gözü zəif olan təqaüd ala bilər?


Bildiririk ki, əlilliyə görə əmək pensiyaları Azərbaycan Respublikası Əmək və Əhalinin Sosial Müdafiə Nazirliyinin Tibbi Sosial Ekspert Komissiyası tərəfindən müəyyən olunmuş əlillik qrupu və “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası əlil və ya sağlamlıq imkanları məhdud sığortaolunana ümumilikdə sığorta stajı 5 ildən az olmamaq şərtilə əmək qabiliyyətli yaş dövrünün hər tam ili üçün 4 ay sığorta stajı olduqda təyin edilir.

2015-05-14 16:37:51 Vüqar :
Salam. Anamın 60 yaşı tamam olub (şəkər xəstəsidir), heç yerdə işləməyib, evdar qadındır. Ona pensiya düşürmü?


Bildiririk ki, “Əmək pensiyaları haqqında” Azərbaycan Respublikası Qanununun 7-ci maddəsinə əsasən 60 yaşına çatmış qadınların azı 12 il sığorta stajı olduqda yaşa görə əmək pensiyası hüququ vardır.

2015-05-14 12:14:57 rüstəmov asim :
Mənim 66 yaşım var, qocalığa görə pensiya alıram. İndi 2-ci qrup əlil olmuşam. Pensiyam artacaqmı? Bakı,Nərimanov rayonu


Bildiririk ki, “Əmək pensiyaları haqqında” Azərbaycan Respublikası Qanununun 34-cü maddəsinə əsasən əmək pensiyaçısının yaşa görə əmək pensiyası növündən əlilliyə görə əmək pensiyası növünə keçirilmə istisna olmaqla, əmək pensiyasının bir növündən başqa növünə keçmə hüququ vardır.

2015-05-13 19:44:44 Rəşad :
Salam Atam 2-ci qrup əlil olanda 156 manat pensiya alırdı. Hal-hazırda 1-ci qrup əlildir. O, qulluqçu ilə birlikdə nə qədər pensiya almalıdır?


Bildiririk ki, “Əmək pensiyaları haqqında” Azərbaycan Respublikası Qanununun 13.1-ci maddəsinə əsasən əlilliyə görə əmək pensiyasının baza hissəsinin məbləği yaşa görə əmək pensiyasının baza hissəsinin məbləğinin I qrup əlillərə və sağlamlıq imkanları məhdud 18 yaşınadək şəxslərə 120 faizi (I qrup gözdən əlillərə və sağlamlıq imkanları məhdud 18 yaşınadək şəxslərə 200 faizi) həcmində müəyyən edilir. Həmçinin Qanunun 19.2.2-ci maddəsinə əsasən I qrup əlillərə qulluq üçün yaşa görə əmək pensiyasının baza hissəsinin 10 faizi məbləğində əlavənin verilməsi nəzərdə tutulmuşdur. Eyni zamanda bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-05-12 22:51:16 ilhama :
Mənim anadangəlmə iki ayağınm da şikəstdir. Əməliyyat olunmuşam və hazırda oynaqlarıma mil yerləşdirilib. Bu haqda 1992-ci ildən mənə sənəd də verilib. Buna görə pensiyaya necə çıxa bilərəm?


Bildiririk ki, əlilliyə görə əmək pensiyaları Azərbaycan Respublikası Əmək və Əhalinin Sosial Müdafiə Nazirliyinin Tibbi Sosial Ekspert Komissiyası tərəfindən müəyyən olunmuş əlillik qrupu və “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası əlil və ya sağlamlıq imkanları məhdud sığortaolunana ümumilikdə sığorta stajı 5 ildən az olmamaq şərtilə əmək qabiliyyətli yaş dövrünün hər tam ili üçün 4 ay sığorta stajı olduqda təyin edilir.

2015-05-12 11:35:53 Vaqif :
Salam, mən ikinci iş yerindən də maaş və bu maaşa uyğun DSMF-yə ödənişlər edirəm. Bilmək istəyirəm ki, pensiyaya çıxanda hər iki iş yerindən ödənişlər hesablanacaqmı?


Bildiririk ki, “Əmək pensiyaları haqqında” Azərbaycan Respublikası Qanunun 1.0.8-ci maddəsinə əsasən müvafiq icra hakimiyyəti orqanı tərəfindən müəyyən edilmiş nisbətlərə uyğun olaraq sığortaolunanlar üzrə ödənilmiş və əmək pensiyasının sığorta hissəsinin hesablanması üçün nəzərə alınan bütün məcburi dövlət sosial sığorta haqları onların fərdi hesabının sığorta hissəsidə qeydə alınır.

2015-05-12 09:46:16 Gulshen :
Salam. Mən analıq məzuniyyətinə çıxmaq istəyirəm. Bir ildən çox stajım var, lakin 6 ay başqa idarədə işləmişəm və 6 aydır ki, yeni iş yerimdəyəm. Mənə məzuniyyət pulu hesablananda 1 ildə işlədiyim nəzərə alınacaq yoxsa sonuncu iş yerimdəki stajım?


Bildiririk ki, Azərbaycan Respublikası Nazirlər Kabinetinin 1998-ci il 15 sentyabr tarixli 189 nömrəli qərarı ilə təsdiq edilmiş «Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamə»nin 28-ci bəndinə müvafiq olaraq hamiləliyə və doğuma görə müavinət işçinin qazancından hesablanır. Əməyin vaxtamuzd və işəmuzd ödənilməsi sistemində qazanc dedikdə, əməkhaqqı (aylıq tarif (vəzifə) maaşı, əlavələr və mükafatlar) başa düşülür. Mükafatlar və əmək haqqına əlavələr qazancda Əsasnamənin 30-cu bəndində müəyyən olunmuş qaydada nəzərə alınmalıdır. Müavinətin məbləği işçinin əmək qabiliyyətinin müvəqqəti itirdiyi aydan (hamiləliyə və doğuma görə məzuniyyətə çıxdığı aydan) etibarən əvvəlki son 12 tam təqvim ayındakı qazancın məbləğindən asılı olaraq müəyyənləşdirilir. Bu zaman bir iş gününə düşən orta gündəlik qazanc işçinin əmək qabiliyyətini müvəqqəti itirdiyi aydan etibarən əvvəlki son 12 tam təqvim ayı ərzində əldə etdiyi qazancının həmin dövrdəki iş günlərinin sayına bölməklə tapılır. Müavinətin ümumi məbləği gündəlik müavinətin məbləğinin hamiləliyə və doğuma görə məzuniyyət dövründəki iş günlərinin sayına vurulması ilə hesablanır. Eyni zamanda bildiririk ki, həmin Əsasnamənin 3-cü bəndinə əsasən müavinətin aylıq maksimal həddi yaşa görə əmək pensiyasının baza hissəsinin 25 mislindən artıq ola bilməz. 2013-cü ilin sentyabr ayının 1-dən yaşa görə əmək pensiyasının baza hissəsinin məbləği 100 manat müəyyən edilmişdir.

2015-05-11 19:21:00 nahid aqayev :
Salam. Anamın 65 yaşı var, 19 il partkom işləyib, 27 il iş stajı var. Pensiyası nə qədər olmalıdır?


Bildiririk ki, əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi, ödənilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2015-05-09 08:23:22 Alnağıyev Kamil :
Salam. Babam 1-ci qrup gözdən əlil olub, 01.07.2011-ci il tarixdə rəhmətə gedib. Babamın pensiyasını nənəmin pensiyasına yazdırsaq, 30.06.2011-ci il tarixli fərmana əsasən babamın pensiyasının sığorta hissəsi yazılacaqmı?


Bildiririk ki, əmək pensiyası təminatına dair normativ hüquqi aktlara əsasən əmək pensiyasının bir növündən başqa növünə keçirilməsi zamanı sığortaolunan üzrə müəyyən edilmiş əmək pensiyasının sığorta hissəsi dəyişməz qalır.

« | ... 8 | 9 | 10 | 11 | 12 | 13 | 14 | 15 | 16 | 17 | 18 ... | »

Back | Top

Subscribe!

Enter your e-mail and confirm your choice

Appointment setting

Contact us

Address of the Fund:

AZ 1122 Baki, H. Zardabi avenue, 80
PHONE: (+994 12) 434 60 18
FAX:(+994 12) 434 55 87

Questions to be addressed to the following e-mail:
info@sspf.gov.az

1018
16346
9223780