2 May 2016Bazar ertəsi
XƏBƏR LENTİ

Əmək pensiyaları


Adınız* :
E-mail* :
Sual* :
Təhlükəsizlik kodunu daxil edin*:


2013-12-03 19:55:35 Ələsgərova Südabə Əmirxan qızı soruşur:
Salam. 25.03.1963-cü il təvəllüdlüyəm. 12 ildən artıq iş stajım var. Qanunla mənə 55 yaşımda pensiya düşməlidir. 4 uşaq anası olduğum üçün pensiyaya daha tez (pensiya yaşından uşaqların sayı çıxılmaqla 51 yaşımda) çıxa bilərəmmi? Belə bir hal nəzərdə tutulubmu?

Hörmətli istifadəçi!
“Əmək pensiyaları haqqında” Azərbaycan Respublikası Qanununun 7-ci maddəsinə əsasən 57 yaşına çatmış qadınların (yaş həddi 2010-cu ilin yanvarın 1-dən başlayaraq 2016-cı ilin yanvarın 1-dək hər il 6 ay artırılır) azı 12 il sığorta stajı olduqda yaşa görə əmək pensiyası hüququ vardır. Qeyd olunanlara əsasən qadınlar üçün yaş həddi 2014-cü il üçün 59 yaş 6 ay müəyyən edilmişdir. Bildiririk ki, “Əmək pensiyaları haqqında” Azərbaycan Respublikası Qanununun 8.1-ci maddəsinə əsasən beş və daha çox uşaq doğub onları səkkiz yaşınadək tərbiyə etmiş və azı 10 il sığorta stajı olan qadınların bu Qanunun 7-ci maddəsinə uyğun olaraq müəyyən olunmuş yaş həddi hər uşağa görə 1 il azaldılmaqla yaşa görə əmək pensiyası hüququ vardır.

2013-12-03 19:51:45 Fərid soruşur:
Salam.Bilmək istərdim ki,güzəştli şərtlərlə alinan pensiyanin məbləği necə hesablanir? Mən “Vətəndaşların pensiya təminatı haqqında” Azərbaycan Respublikasının Qanununa dəyişikliklər və əlavələr edilməsi barədə qanunu oxudum. Orda yaşa görə pensiyaların məbləği yaşa görə pensiya, pensiya üçün müraciət edənin orta aylıq əmək haqqının (72-ci maddə) 60 faizi, bu Qanunun 13-cü maddəsinin «a» bəndində nəzərdə tutulan işlərdə çalışan işçilərə 70 faizi, «b» bəndində nəzərdə tutulan işlərdə çalışan işçilərə isə 65 faizi, lakin minimum pensiyadan az olmayan məbləğdə təyin edilir. Qaçqın və məcburi köçkünlərin yaşa görə pensiyaları onların orta aylıq əmək haqqı barədə sənədləri təqdim etmək mümkün olmadıqda müvafiq icra hakimiyyəti orqanı tərəfindən hər ilin əvvəlində onların işlədikləri sahələr üzrə təsdiq olunan orta aylıq əmək haqqına görə hesablanır. Yaşa görə pensiyaların əsas məbləği, habelə minimum məbləğdə hesablanmış pensiyalar tələb olunan iş stajından artıq hər tam il üçün minimum pensiyanın iki faizindən az olmamaq şərti ilə, orta aylıq əmək haqqının iki faizi qədər artırılır. Bu Qanunun 13-cü maddəsinin «a» bəndində nəzərdə tutulan işçilərin pensiyası güzəştli şərtlərlə pensiya almaq hüququ verən iş stajının kişilərdə 10 ildən və qadınlarda 7 il 6 aydan hər tam ili üçün orta aylıq əmək haqqının bir faizi qədər artırılır. Həmin maddə üzrə yaşa görə hesablanmış pensiyanın məbləği tələb olunan iş stajından artıq hər tam ilə görə minimum pensiyanın üzərinə hesablanmış əlavə istisna olmaqla, orta əmək haqqının 85 faizindən, 13-cü maddənin «a» bəndində nəzərdə tutulan işçilərin pensiyası orta aylıq əmək haqqının 100 faizindən, «b» bəndində nəzərdə tutulan işçilərin pensiyası isə orta aylıq əmək haqqının 90 faizindən artıq ola bilməz.» yazilib tam dəqiqləşdirmək istədim yəni mənim 57 yaşim var və mən bu qanunun 13-cü maddəsinin b bəndinə əsasən təqüdə çıxmışam və mənim tələb olunan 25 il stajdan əlavə 14 il de iş stajım varsa və orta aylıq əmək haqqım 380 manat təşkil edirsə mənim pensiya məbləğim nə qədər olmalıdı?

Hörmətli istifadəçi!
“Əmək pensiyaları haqqında” Azərbaycan Respublikası Qanununa əsasən vətəndaşlara əmək pensiyası təyin edilərkən pensiyanın sığorta hissəsinin məbləğinin hesablanması iki mərhələdə həyata keçirilir. Birinci mərhələdə onların “Əmək pensiyaları haqqında” Azərbaycan Respublikası Qanununun qüvvəyə mindiyi 1 yanvar 2006-cı il tarixədək qazanmış olduqları əmək pensiyası hüquqları həmin Qanunun 27-ci maddəsinə əsasən bu dövrə aid olan iş stajına, ikinci mərhələdə isə 1 yanvar 2006-cı il tarixdən sonra sığortaolunanların gəlirlərindən ödənilmiş məcburi dövlət sosial sığorta haqlarına əsasən müəyyənləşdirilir. Hesablanmış sığorta hissəsi müvafiq icra hakimiyyəti orqanı tərəfindən müəyyənləşdirilmiş pensiyanın baza hissəsi ilə cəmlənməklə pensiyanın ümumi məbləği alınır.

2013-12-03 19:44:19 Tural Kərimov soruşur:
Salam. Mənim anam 1961-ci il təvəllüdlüdür, 27 il iş stajı var. 2 övladı rəhmətə gedib, biri 16, biri də 13 yaşında. Bilmək istəyirəm ki, onun pensiya yaşı nə vaxtdır?

Hörmətli istifadəçi!
“Əmək pensiyaları haqqında” Azərbaycan Respublikası Qanununun 7-ci maddəsinə əsasən 57 yaşına çatmış qadınların (yaş həddi 2010-cu ilin yanvarın 1-dən başlayaraq 2016-cı ilin yanvarın 1-dək hər il 6 ay artırılır) azı 12 il sığorta stajı olduqda yaşa görə əmək pensiyası hüququ vardır. Qeyd olunanlara əsasən qadınlar üçün yaş həddi 2014-cü il üçün 59 yaş 6 ay müəyyən edilmişdir.

2013-12-03 14:43:50 Zenfira soruşur:
Salam. Əmimin 61 yaşı var 40 ildən çoxdur ki, çörək zavodunda çörək bişirən işləyir. Hal hazırda pensiyaya çıxa bilər?

Hörmətli istifadəçi!
“Əmək pensiyaları haqqında” Azərbaycan Respublikası Qanununun 7-ci maddəsinə əsasən 63 yaşına çatmış kişilər azı 12 il sığorta stajına malik olduqda yaşa görə əmək pensiyası hüququ qazanırlar.

2013-12-03 14:34:37 Rzayeva Gültəkin soruşur:
Salam. Mənim 51 yaşım var. 28 il iş stajım var. 28 ilin 19 ilini Məşədi Əzizbəyov adına kimya zavodunda nəzarət ölçü cihazları üzrə cilingər işləmişəm. Mənə pensiya düşürmü?.

Hörmətli istifadəçi!
“Əmək pensiyaları haqqında” Azərbaycan Respublikası Qanununun 9.1-ci maddəsinə əsasən axırıncı iş yerindən asılı olmayaraq yeraltı işlərdə, incəsənətin xüsusi sahələrində, həmçinin əmək şəraiti xüsusilə zərərli və ağır olan işlərdə (Azərbaycan Respublikası Nazirlər Kabinetinin 2007-ci il 23 yanvar tarixli 12 nömrəli qərarı ilə təsdiq olunmuş “Güzəştli şərtlərlə yaşa görə əmək pensiyası hüququ verən istehsalatların, peşələrin, vəzifələrin və göstəricilərin Siyahı”sı üzrə) çalışan kişilər 57 yaşına çatdıqda, azı 25 il sığorta stajına malik olduqda və bu müddətin azı 12 il 6 ayını həmin işlərdə çalışmışlarsa, güzəştli şərtlərlə yaşa görə əmək pensiyası hüququ qazanırlar.

2013-12-03 12:50:08 Ülviyyə soruşur:
Salam. Xalam 6 ilə yaxın şəkər xəstəsidir. 49 yaşı var, işləmir. Əvvəl işlədiyi dövrdən 18 il iş stajı var. Xalam pensiyaya çıxa bilər? Çıxa bilməsi üçün nə sənədləri lazımdır?

Hörmətli istifadəçi!
Əlilliyə görə əmək pensiyaları Azərbaycan Respublikası Əmək və Əhalinin Sosial Müdafiəsi Nazirliyinin Tibbi Sosial Ekspert Komissiyası tərəfindən müəyyən olunmuş əlillik qrupu əsasında, həmçinin “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası təyin olunması üçün tələb olunan sosial sığorta stajına uyğun olaraq təyin edilir. Bildiririk ki, “Əmək pensiyaları haqqında” Azərbaycan Respublikası Qanununun 12.1-ci maddəsinə əsasən əlilliyə görə əmək pensiyası əlil və ya sağlamlıq imkanları məhdud sığortaolunana ümumilikdə sığorta stajı 5 ildən az olmamaq şərtilə əmək qabiliyyətli yaş dövrünün hər tam ili üçün 4 ay sığorta stajı olduqda təyin edilir.

2013-12-03 11:34:17 Anar soruşur:
Salam. Mənim nənəmin pensiyasi azdır və babam 1995-ci ildə rəhmətə gedib. Bilmək istəyirəm ki, babamın pensiyasını nənəm üçün köçürdüb ala bilərikmi?

Hörmətli istifadəçi!
“Əmək pensiyaları haqqında” Azərbaycan Respublikası Qanununun 14.1.2-ci maddəsinə əsasən qadınlar bu Qanunun 7-ci maddəsinə uyğun olaraq pensiya yaşına çatmışdırsa, yaxud I və ya II qrup əlildirsə onların ailə başçısını itirməyə görə əmək pensiyası hüququ vardır. Həmin qanunun 7-ci maddəsinə əsasən 57 yaşına çatmış qadınların (yaş həddi 2010-cu ilin yanvarın 1-dən başlayaraq 2016-cı ilin yanvarın 1-dək hər il 6 ay artırılır) azı 12 il sığorta stajı olduqda yaşa görə əmək pensiyası hüququ vardır. Qeyd olunanlara əsasən qadınlar üçün yaş həddi 2014-cü il üçün 59 yaş 6 ay müəyyən edilmişdir. Əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı vətəndaşın müvafiq sənədlərlə qeydiyyatda olduğu ərazi üzrə Fondun yerli orqanına müraciət etməyi xahiş olunur.

2013-12-02 21:33:29 Ramin soruşur:
Salam. Mən bilmək istərdim II qrup əlilliyə görə penisiya nə qədərdir? O, həm də dövlət qulluqçusudur.

Hörmətli istifadəçi!
“Əmək pensiyaları haqqında” Azərbaycan Respublikası Qanununun 13.1-ci maddəsinə əsasən əlilliyə görə əmək pensiyasının baza hissəsinin məbləği yaşa görə əmək pensiyasının baza hissəsinin məbləğinin II qrup əlillərə 100 faizi həcmində müəyyən edilir. «Yaşa görə əmək pensiyasının baza hissəsinin artırılması haqqında» Azərbaycan Respublikası Prezidentinin 27 avqust 2013-cü il tarixli 3096 nömrəli Sərəncamına əsasən yaşa görə əmək pensiyasının baza hissəsi 01 sentyabr 2013-cü il tarixdən 100 manat məbləğində müəyyənləşdirilmişdir. Bildiririk ki, “Əmək pensiyaları haqqında” Azərbaycan Respublikası Qanununun 37.3.2-ci maddəsinə əsasən işləyən əmək pensiyaçılarına əlilliyə görə əmək pensiyası himayədə olanlara görə verilən əlavə nəzərə alınmadan yalnız baza hissəsindən ibarət olmaqla ödənilir. Əmək pensiyalarına dair normativ-hüquqi aktlara əsasən əmək pensiyasının təyin edilməsi, yenidən hesablanması, növünün dəyişdirilməsi şəxsin (ərizəçinin) daimi yaşadığı yer üzrə Dövlət Sosial Müdafiə Fondunun rayon və şəhər şöbələri (Pensiya təyin edən komissiya) tərəfindən həyata keçirilir. Bununla bağlı müvafiq sənədlərlə qeydiyyatda olduğunuz ərazi üzrə Fondun yerli orqanına müraciət etməyiniz xahiş olunur.

2013-12-02 21:12:21 Sabir soruşur:
Salam. Dövlət qulluqçusuna pensiya hesablayanda ona axırıncı iki il ərzində verilmiş maddi yardımlar pensiyaya şamil olunurmu?

Hörmətli istifadəçi!
Bildiririk ki, “Əmək pensiyaları haqqında” Azərbaycan Respublikası Qanununun 20.11-ci maddəsinə əsasən bu qanunun 20.1.7-ci və 20.1.9-cu maddələrində nəzərdə tutulmuş şəxslərin əmək pensiyasına əlavələr dövlət qulluğunun son 24 ayı və ya istənilən ardıcıl gələn 60 ayı ərzindəki dövlət məvacibinin orta aylıq məbləğindən, dövlət məvacibindəki sonrakı artımlar da nəzərə alınmaqla müəyyən edilir.

2013-12-02 13:43:35 Mehraliyev Nail soruşur:
Pensiyanın sığorta hissəsinin birdəfəlik verilməsi məsələsi nədir? Və ümumiyyətlə belə bir ödəniş varmı?

Hörmətli istifadəçi!
“Əmək pensiyaları haqqında” Azərbaycan Respublikası Qanununun 1.0.12-ci maddəsinə əsasən əmək pensiyasının sığorta hissəsi — əmək pensiyalarının ikinci pilləsi olmaqla, fərdi hesabın sığorta hissəsində qeydə alınmış pensiya kapitalının gözlənilən pensiya ödənişi müddətinin aylarının sayına nisbəti şəklində hesablanan məbləğdir.

« | ... 53 | 54 | 55 | 56 | 57 | 58 | 59 | 60 | 61 | 62 | 63 ... | »

Geri | Yuxarı

Abunə ol!

Elektron poçt ünvanınızı daxil edib istəyinizi təsdiqləyin

Fondun qəbulu

Əlaqə məlumatı

FONDUN ÜNVANI:

AZ 1122 BAKI şəhəri, H. Zərdabi prospekti, 80
TELEFON: (+994 12) 434 60 18
FAKS:(+994 12) 434 55 87

Suallarınızı aşağıdakı poçt ünvanına yaza bilərsiniz:
info@sspf.gov.az

4273
10023
11760392